anter.dz المراقب العام ( للمنتدى)
عدد المساهمات : 92 نقاط : 204 تاريخ التسجيل : 17/09/2010 العمر : 40 الموقع : algeria
| موضوع: •:*¨`*:•. ₪₪ ~~|| **الجيعان لا تغني له و العطشان لا تصفر له**..|| ~•:*¨`*:•. ₪₪ الأحد أبريل 03, 2011 2:16 pm | |
| [[[s ize=18]center]size=18]سلام عليكم و رحمة الله و بركاته ...
هذه قصيدة شعبية كتبها و لحنها الشيخ سيد علي لاكام ...يقولوا بلي هاذ الشيخ مرض ح كموا مرض الله يعافينا و صحابوا زعمة خرجوا فيه دعاية قالوا راهو مات ... امالا كي ارتاح و برى كتب هذي لقصيدة لناس لي قلوبها صغيرة و حقودة و هاذ الناس هو لي علمهم الشعر و القصيد الفصيح .... القصيدة مع الشرح //// الله يقبل كل جبانة .. و كلها وين دفن باباه ..ياك البنات ماهيش حجبانة كلها و يخطر بهواه يتكهن عند القزانة ...داخل في غيوب الاله..ياعوذ بالله الناس هبلوا نساو الموت و عذاب لهيه معناها كل واحد وين دفن باباه يعني ابكي على الاصل ... كل واحد يعرف اصلوا ..
ناس الطرطوش والبدعية ... دار العقاقش و الفولار .. الاصيل قيمتو طاحت الرخيس عاد يفخر عليه ..
معناها كان فالدوار ...اليوم صادمها ولد بلاد..
دير الخير فلي شبعان الاعمى خليه في تغماضوا ...بالاك تشبع الجيعان يتفرعن و يزيد غياظو هاكذا نساو خيري العديان.. دارو عليا ولاو يبهظو..واحد غير بنفسي نجرحوا ..زلي يتقبى يبين لواحوا برهاني مازالي نوريه.. معناها الي نعتلو حاجة اليوم و نعلموا غدوة دار عليا بالمعاني ..برهاني مازالي نوريه معناها الى تقبيتي انا نوريلك شكون انا والا عينك في هدرة اخرجلي باه راجل راجل اي طاي طاي
واحد يفخر بقصيد الغير يقول نضمي انا نضمتوا ...واحد ناطق بلى ضمير كي تاته/الحرباء/يبدل صفاتوا.. لي يخون شيخ في مرتاحوا راه الله يغضب عليه...الراجل يضرب بسلاحوا و اللخر باش تلاقيه ..
عديان الله صفوف صفوف راكبتهم فاللسان حرارة...يهدرو فيا حسبوني خروف باب سويقة جزارة لكن الشيخ ماهوش مرخوف سباب صمتي عندي حصانة/حشمة/
قلت يبرد جمري وتلحاحو الموت كاينة والملقى ليه لي يتكلم فيا نشرب من شباحوا يوم القيامة نخلص عليه.. معناها راني عمبالي بلي كاين ناس يحكوا بالشر عليا لكني ساكت ماشي كي عدت مرخوف بصح خاطراك انا ما ردش علي اكثر مني ..يوم القيامة يخلص كلاموا عليا..
الله يلعن العبد الكداب ..قال عليا كلام خاطي..قول الصحيح و اهدر الصواب و صفي وقتك من خلاطي .. معناها هاذ السيد ضلمني بصح طالب غير يصفي روحوا من خلاطي يعني عافني ماتتكلمش عليا في غيابي.
يعيى وين يروح والناس تفضحوا ...يضحى عار بين قرانيه راه فهمني و عرف روحوا عدويا راني نشكيك للفوقاني. كل واحد يعرف صلاحوا ويعرف واش يخرج عليه ...كي بغيتونا هكذا نقباحوا ولي جحد خيري نرميــــــــــــــــــه.
فالالف خوذ كتاب عجيب ..منو تسعى فايدة كثيرة ...خلاوه سبوع بالهنى و الطيب ثمنوا غالي ماهوش خسارة.. ثم روحك راك تصيب لكانك تفهم الاشـــــــــــــــــــــــــــارة ...معناها قلو الرجال ..
مصلي و ندعي الله يتحطم كل من ياذيني... الله يجعلنا تحت جناحوا قصدي غير حبابوا و ماليــــــــــــــــــــه و الحديث قيــــــــــــــــــــــــاس لي مافهمش كلمة يقلي ان نشرحلوا ممكن عموا جمال يعرف اقصيدة لانها قديمة و وقتهم يسمعولا الشعبي ..هذي هدية من عند وليدك عنتر لعموا جمال باه نفكرك بيامات زمان .
الشيخ عاش ماكسب و مات ماخلى غير الكلمة الطيبة... الحمد لله.[/size] [/size][/center] | |
|